Netkannanir MMR

Netkannanir MMR gera fyrirtækjum og stofnunum mögulegt að fá upplýsingar um vilja neytenda á skömmum tíma og með þægilegri hætti fyrir svarendur betur en hefðbundnar símakannanir.

Internetnotkun á Íslandi er með því mesta sem þekkist í heiminum. Ísland er því kjörvettvangur fyrir gagnaöflun með netkönnunum - sem auk þess að vera mjög áreiðanlegar eru mun hagkvæmari en hefðbundnar rannsóknaraðferðir.

Aðferðafræði framtíðarinnar

MMR er í fararbroddi fyrirtækja sem nýta sér möguleika Internetsins við framkvæmd markaðsrannsókna. Á það jafnt við hvort heldur sem litið er til megindlegra eða eiginlegra rannsókna. MMR hefur frá árinu 2006 unnið kerfisbundið að uppbyggingu hópa (Álitsgjafa MMR) sem taka þátt í könnunum á netinu og nálgast svarendahópurinn nú fyrsta tugþúsundið og fer stöðugt vaxandi.

Að nota Internetið til gagnaöflunar hefur marga kosti umfram hefðbundnar aðferðir:

Fljótari svörun
Fræðilega séð er mögulegt að taka úrtak og ljúka gagnaöflun á nokkrum klukkutímum.

Fleiri úrtaksmöguleikar
Mögulegt er að velja úrtak út frá mun fleiri þáttum en bara lýðfræðilegum, sem þýðir að úrtakið endurspeglar betur þarfir viðskiptavina.

Á forsendum þátttakenda
Svarendur taka þátt þegar þeir vilja og þeim hentar.

Vandaðri svörun
Svarendur gefa skýrari og betur hugsuð svör við eigindlegum/opnum spurningum en tíðkast í t.d. símakönnunum.

Fleiri spurningaform og nýmiðlun
Hægt er að spyrja mun flóknari spurninga en gert er í hefðbundum könnunum auk þess sem mögulegt er að birta myndir af vörum, auglýsingum o.fl. sem færir svarandann nær þeim raunveruleika sem rannsókninni er ætlað að endurspegla.

Möguleiki á „trade-off“ æfingum
Mikilvægur eiginleiki netkannana er að þar er hægt að beita svo kölluðum „trade-off“ æfingum þar sem líkt er eftir raunverulegri kauphegðun (þ.e. vali á vörum eða þjónustu). Þessar æfingar eru nauðsynlegar til að skilja hvaða eiginleikum vöru og þjónustu fólk sækist eftir. Trade-off æfingar eru svo gott sem ótækar með hefðbundnum gagnaöflunarleiðum.