Lausnir

Við leggjum höfuðáherslu á snjallar lausnir við greiningu gagna og notum predictive analytics til að skoða söguleg gögn og spá fyrir um líklega hegðun neytenda í framtíðinni.

Þannig höfum við t.d. hjálpað fyrirtækjum að hanna auglýsingar sem ná betri árangri, bætt úr nýtingu markpóstsendinga og stuðlað að aukinni sölu með bættri vöruþróun.

Við virkjum upplýsingar

Auglýsingarannsóknir
Hlutverk auglýsinga er að örva neytendur, skapa eftirvæntingu, veita upplýsingar og hvetja til þátttöku. En hvernig vitum við hvernig þessum markmiðum er náð?
Við mælum nákvæmlega sjónræn og tilfinningaleg viðbrögð við auglýsingum og veitum jafnframt ráðgjöf um úrbætur í auglýsingahönnun og metum líkur á að skilaboð komist til skila.

Gæði þjónustu
Framsækin fyrirtæki gera sér í auknu mæli grein fyrir þeim tækifærum sem felast í þjónustustjórnun. Greining þeirra þjónustuþátta sem skipta viðskiptavininn mestu máli er grundvöllur markvissrar stjórnunar á þjónustu.
Þjónustulausnir MMR svara því eftirfarandi lykil spurningum:
Hverju búast viðskiptavinir við af mér?
Hvernig er ég raunverulega að standa mig?
Hvaða þjónustustig eru mikilvægust í huga viðskiptavina minna?
- Er ég að sinna þeim þjónustustigum?
Hvernig á forgangsröðun þjónustuúrbóta að vera háttað - nákvæmlega?

Markaðshlutun
Við reiknum út hvaða áhrifavaldar það eru sem skipa fólki í mismunandi neytendahópa og hjálpum í kjölfarið við að innleiða ferla sem hjálpa fyrirtækjum að haga samskiptum sínum við neytendur til samræmis.
Til dæmis nýtum við innri upplýsingar úr fyrirtækjum til að spá fyrir um vilja neytenda til að þiggja tilboð um tiltekna vöru eða þjónustu. Í kjölfarið verða samskipti við neytendur markvissari, markaðskostnaður lækkar og arðsemi eykst.

(Vöru)merkjavirði
Við höfum mikla reynslu af rannsóknum sem miða að því að skilja það sérstaka samband sem ríkir milli vörumerkja og neytenda.
Vörumerkjatryggð er minni en áður og neytendur krefjast meira. Þeir eru meðvitaðri um gildin og viðskiptasiðferðið sem býr að baki vörumerkjum og hafa um þau meiri efasemdir en áður. Tímabil fjöldamarkaðssetningar er liðið og við bjóðum lausnir sem taka mið af þessum aðstæðum.

Vöruþróun
Hvort er betra að nota kassa eða poka, rör eða stút, grænt eða blátt? Við beytum fjölbreyttum aðferðum s.s. augnhreyfimælingum, rýnihópum, skynprófunum og ákvarðanatökulíkönum til að spá fyrir um móttökur tiltekinnar vöru eða þjónustu.
Hvort sem markmiðið er að kynna nýja vöru eða bæta núverandi vöruframboð þá bjóðum við lausnir á öllum stigum.

Verðlagning
Hvernig hugsa neytendur um verð? Gerir 100 króna lækkun sama gagn og 10% afsláttur? Hvers virði er Síminn í hugum neytenda samanborið við Vodafone? Hvað þarf verðið á Pepsi að vera svo það seljist frekar en Coke? Við beitum þróuðum tölfræðilíkönum til að svara þessum spurningum og fleiri.