MMR // Markaðsrannsóknir, Þjónusturannsóknir, Spurningavagn, Vinnustaðagreining

Viðhorf almennings eru mikilvægur þáttur í mótun samfélags. Skoðanakannanir sem eru framkvæmdar og settar fram á faglegan hátt veita stjórnmálamönnum, fjölmiðlum, almenningi og öðrum hagsmunaaðilum aðgang að nákvæmum mælingum á viðhorfum og vilja fólksins. Með þátttöku í skoðanakönnunum stuðla svarendur þannig að upplýstri umfjöllun og ákvarðanatöku samfélaginu til góða.

Við leggjum okkur fram um að veita stöðugar og nákvæmar upplýsingar um hvað fólk hugsar og gerir um land allt svo fyrirtæki, stjórnvöld og stofnanir eigi betur með að þjóna fólkinu sem sér fyrir þeim.

MMR starfar samkvæmt siðareglum ESOMAR, alþjóðasamtökum markaðsrannsóknafyrirtækja, sem kveðja meðal annars á um eftirfarandi:

1. Svarendur njóta algerrar persónuverndar.
2. Svör einstaklinga úr könnunum eru eingöngu sett fram sem meðaltöl eða summur af stærri heild.
3. Viðskiptavinir MMR fá aldrei aðgang að svörum einstaklinga.
4. Þátttakendum í könnunum er ætíð í sjálfsvald sett hvort þeir taka þátt í könnunum yfirleitt eða svara einstökum spurningum.
5. Við reynum aldrei að selja þátttakendum neitt.